“I AM very sorry, Nadja . . . really.” Iyon ang narinig niya kay Londyn nang makausap niya ito sa kabilang linya kinaumagahan. Nabuhay muli sa loob ng dalaga ang kasalanang ginawa nito sa kanya. Kung bakit nasa ganoon siyang kalagayan ngayon. At kung bakit siya nakakulong sa property ni Rigo.
Humugot siya ng isang malalim na hininga. Iyon lang ang tangi niyang magagawa. Sumisikip ang kanyang dibdib.
“Kumusta na si Rigo?” mayamayang tanong nito ng hindi siya nakapag-salita.
“Alam na niya,” walang buhay na sambulat niya.
“What?” singhap ni Londyn sa kabilang linya. “W-what do you mean by that, Nadja?” naguguluhang muling tanong nito?
Mula sa pagkakaupo sa gilid ng kama ay tumayo siya at tinungo ang teresa. Mula doon ay itinukod niya kamay sa barandilya. Nais niyang sumagap ng sariwang h
