18. THE MONSTER WITHIN THE CLOWN.
5 YEARS AGO……….
Nakarinig ng katok mula sa pinto si Mrs. Olivia. Nang buksan niya, nakita niya ang isang binatang walang kasigla-sigla ang tikas at itsura. Nakayuko lang ito at sa kaunting pagitan ay nalanghap niya ang amoy ng alak na nanggagaling mula rito.
“Oh, TJ. Ikaw pala ‘yan,” nagulat ang ginang nang lubos na mamukhaan ang isa sa kanyang mga estudyante.
“May itlog po ba dyan?” ni parang hindi bumuka ang bibig na tanong ni TJ.
“A-ano kamo? Ahh… si Third ba? Saglit lang at tatawagin ko.” Nalilito man, alam ng ginang kung sino ang hinahanap ni TJ dahil alam naman nitong bukod sa magkaklase at magkapitbahay, ito rin ang isa sa mga kaibigan ng anak niya.
Tinawag niya na lang ang anak na si Third na kasalukuyang nasa kwarto.
Nang makababa
