11. OUR FOREVER.
Wala nang silbi ang pagtatago. Nakita na ni Arianna ang mga ‘to. At nakita na rin siya ng mga ‘to.
Bakit siya magtatago? Bakit siya ang magtatago? E, kung ang mga nasa harap niya ang tila may itinatago sa kanya?
Hindi niya napaghandaan ang araw na ‘to. Hindi niya inakala na darating pa ang araw na makikita niya ulit ang lalaking ‘to.
Dahil kanino ba kaya siya nagbago? Dahil kanino ba kung bakit siya nagpursiging umangat sa buhay?
Higit sa lahat, dahil sa taong kaharap niya ngayon.
Sa taong kinamumuhian niya higit kanino.
Sa taong pinagkaitan siya kahit wala namang karapatan.
Ang sakit lang na siya na nga ang nawalan ng asawa’t mahal sa buhay, siya pa ‘yung pinagkaitan. Ano’ng karapatan nito? Kailan ‘to naging ama kay TJ para magkaro’n ng karapatang ipagkai
