Be Mine 14
ELLA
Gusto kong pumunta sa hospital. Gusto kong makita at mahawakan ang kamay ni Mabelle. Sobrang nag-aalala ako. Naiiyak ako. Hindi kasi ako makaalis dahil bagong panganak ko lang kay Dos. Walang ibang mapag-iiwanan. Umiiyak si Dos kapag hindi ako o si Ashley ang may karga sa kanya. Kapag sinama ko naman sa hospital, baka naman mahawaan ng kung anu-anong sakit do’n.
Maya’t maya kung itext ko si Ash dahil sa sobrang pag-aalala. Sana maging maayos ang lahat.
“Uno, anak. Pray tayo, ha? Ipagdasal natin si Tita Mabelle mo. Okay?” Sabi ko sa panganay ko.
“Okay, Mommy. I want Tita Mabelle to be okay. She’s beautiful when she’s not sick,” sagot agad ni Uno sa akin.
Mabelle, you need to hold on. You need to fight. Hindi ka pa pwedeng mawala. Masyado ka pang bata. Marami ka pang p
