ELEVEN
"Ano ang natutunan ninyo sa kwento?" malawak ang aking ngiti habang pinalilibutan ng mga batang ito. Agad silang nagtaas ng kamay. Waring excited na excited na sumagot sa tanong ko.
"'Wag pong maging tamad, ate George!" sabi ng batang si Boyet. Patpatin at ayon sa kasama nito wala na raw makita.
"Very good, Boyet! Sino pa?" unahan ulit ang mga ito na nagtaas ng kamay. Halatang excited at masaya sa ginagawa nila. Nung umupo ako rito kanina punong-puno nang pag-aalinlangan ang puso't isip ko. Bukod sa pagbabasa ano pa bang maibabahagi ko sa kanila? Kung gaano kamisirable ang buhay ko? Kung gaano ako kalungkot? Pero buti na lang kumalma ang isipan ko habang kitang-kita sa mga mukha nila kung gaano kahangad na matuto. Himala nga rin at mabilis kong natandaan ang kanilang mga pangala
