GWYNETH'S POV
LUTANG PA RIN ang pag-iisip ko sa lahat ng sinabi niya. Para bang pinakamalalim no'n at hindi ko agad mahalukay. Ilang beses kong inisip ang huli niyang sinabi pero hindi ko pa rin maintindihan. Pakiramdam ko, isa itong solving problem na nakakabobo.
Ibig bang sabihin niyon, ginusto niya ang nangyari sa amin at hindi lang iyon basta dahil inakit ko siya o sinabi kong tabihan niya ako? Ibig bang sabihin, noong oras na pumasok ako sa The Alchemist para hintayin si Aubrey na bumaba galing sa stage at matapos sa mga customer niya, doon pa lang, nakita na niya ako? Ibig bang sabihin nito, hindi aksidente ang lahat? Hindi biglaan ang nangyari dahil lahat ng nangyari ay alam niya… at plinano niya sa utak.
Ilang minuto na ang nakalipas ngunit hindi pa rin ako makapagsalita. Nanati
