GWYNETH'S POV
TUMAMBAD SA AKIN ang malawak at mala-paraisong lugar. Nakaaakit ang tanawin dahil na rin sa dilim ng lugar ngunit nabawian ng nag-iisang nakatayong bahay sa dulo ng aming daraanan.
Mistulang ilang kilometro pa ang layo ng bahay na 'yon dahil medyo maliit siyang tingnan. Madilim na ang buong lugar na 'yon pero batid ko ang malalaking puno sa paligid dahil sa mga nakasabit na tila lanttern. Simula sa higanteng pintuan na 'yon hanggang sa bahay na aking natatanaw ay pila-pila ang mga nakasabit na ilaw na talaga nga namang nakadaragdag mangha sa kung sinomang makakakita ng lugar na ito.
'This is where I live. This is my house.'
Muling umugong sa tainga ko ang sinabing iyon ni Grey. Halos lumuwa ang mata ko sa sobrang pagkagulat nang sabihin niyang kaniya ang lugar na ito. Bat
