GWYNETH'S POV
MATAPOS ANG insidenteng iyon sa bar ay hinayaan muna ako ng management na magpahinga ng ilang araw. Para na rin ma-overcome ko ang trauma na naranasan ko. Balak nga rin akong ipadala ng management sa hospital para maipagamot at magpa-counsil dahil usually, nato-trauma ang mga taong nakaranas ng ganoon pero tumanggi ako.
Nakato-trauma naman talaga pero hindi na para palakihin pa ang issue na iyon. Isa pa, parang galos lang naman ang natamo ko, hindi na para papuntahin pa ako sa hospitap dahil kahit hayaan ko ito at hindi ko pansinin, gagaling ito nang kusa. Maliit na hiwa lang naman ng bubog sa leeg.
Aaminin kong natakot ako ng mga sandaling iyon. Ngunit nang makauwi ako galing sa bar at nakapagpahinga ay napag-isip-isip kong intindihin na lang ang sitwasyon ng lalaki. Napa
