Anika's POV
NANLAKI ang mga mata ni Mama nang makita kami nito. Bakas sa kaniyang mukha at matinding gulat, mabuti na lang dahil mabilis akong napabitiw sa kamay ni Daryl nang hindi nila nakikita.
Binalingan niya ako ng tingin at para itong nakakita ng multo base sa mukha niya. Si Daryl naman ay walang reaksyon, titig na titig lang ito kay mama.
"Anong ibig sabihin nito? Anong ginagawa n'yo?"
Mariin akong lumunok sa kaniyang tanong. Ramdam ko ang pagpapawis ng kamay ko dahil sa kaba, mabuti na lang dahil nagsalita si Don Enrico.
"Anong klaseng tanong ba iyan, Magda? Magkasama ang mga bata. Mukhang nagkakasundo na sila."
Nakangiting tumango si Don Enrico bago ito pumasok sa loob. Tinawag niya ang mga katulong at mabilis na nagpahanda.
Nagtungo kaming lahat sa dining room kung saan hi
