Ayoko ng makipagtalo pa kay Jaxon dahil napapagod na talaga ako, wala na akong energy para makipagsagutan pa sa kanya. Sa dami ng nangyari ngayong araw na ‘to, talagang na drain lahat ng energy ko.
Hinayaan ko na lang si Jaxon na sumunod sa akin papasok sa loob ng bahay namin ng natigilan ako pagbukas ko ng pinto dahil may bisita kami. Napatingin ako kay Jaxon at kahit s’ya ay natigilan din sa nakita n’ya. Hindi ko inaasahan na may ganito akong aabutan pag-uwi ko galing sa byahe at sa sakuna na nangyari kanina. Hindi ko alam kung tutuloy pa ba ako o aatras na lang dahil sa nakita ko. Mukhang kahit si Jaxon ay hindi rin n’ya inaasahan ang maabutan n’ya dito sa bahay namin. Ung itsura pa naman naming dalawa para kaming dumaan sa sakuna dahil nabasa kami ng ulan kanina lalo na ako. Ang gulo
