Naupo ako sa tabi ni daddy dahil ‘yon na lang ang bakanteng upuan at mas mainam ng katabi ko si dad kesa naman kay Jaxon ako tumabi diba. Tahimik lang akong umupo sa tabi ni daddy at nagsimula ng kumain, wala naman kasi akong sasabihin sa kanila kaya naman kumain na lang ako. Busy sila sa mga pinag-uusapan nila tungkol sa negosyo at kahit naman naiitindihan ko ang sinasabi nila wala naman akong balak na makisali sa usapan nila. Ayokong maging bastos na makikisabat ako sa usapan nila eh hindi naman nila ako kinakausap kaya kakain na lang ako at sana matapos na ‘to dahil gusto ko na lang umuwi at magpahinga sa unit ko. Wala akong balak na dito matulog ngayon dahil wala na akong masyadong gamit dito saka may kailangan pa akong tapusin na mga papeles para sa investor na hinahanap namin.
“Oli
