Maaga akong nagising dahil na rin sa alarm clock ko kaya naman bumangon na agad ako at nag ayos ng sarili dahil kailangan kong umuwi ngayon sa bahay namin para sa gathering na sinasabi ni daddy kagabi. Sa totoo lang talagang kinabahan ako ng sabihin ni dad sa akin na nakausap n’ya si tito Kit. Kinakabahan ako na baka sinabi ni tito Kit kay daddy ang nangyari sa akin. Alam ko naman na dapat sabihin ko sa magulang ko ang nangyari sa akin na aksidente pero hindi ko kasi kaya. Hindi ko alam kung anong magiging reaksyon nila dahil base sa mga nangyari sa akin noon na kahit na nasasaktan ako sa akin pa rin sila nagagalit dahil sa katangahan ko. Lumaki na yata ako na alam kong tanga ako dahil lagi nilang sinasabi ‘yon kapag nakakagawa ako ng pagkakamali. Ingat na ingat ako sa lahat ng ginagawa ko
