Nandito kaming apat ngayon sa kubo at naiwan sa loob ng bahay si tatay at nanay, hindi naman nila pwedeng marinig ang kung ano man na dapat namin pag-usapang apat. Ayokong madamay pa sila sa kung anong problema ang meron ako. Paniguradong nagtataka na ‘tong si Arron sa nangyari sa amin ni Luis at hindi n’ya kayang pigilan ang sarili n’ya na hindi kami tanungin. Kahit normal na samin ang nangyari kanina dahil madami akong kaaway, hindi pa rin namin dapat hayaan na mangyari pa ulit ‘yon. Hindi ko alam kung bakit napakadaming may galit sa’kin, wala naman akong ginagawa na kanila.
“Kuya delikado na sila nanay dito,” sabi ni Arron sa’kin.
“Anong iniisip mo?” tanong ko sa kanya.
“Umalis ulit tayo,” sabi n’ya sa akin.
Alam ko ng sasabihin n’ya ‘yon at tama naman s’yang delikado na nga kam
