Kung gaano kabait sina nanay Lourdes at Tatay Isko ‘yon naman ang naging kabaliktaran ng ugali ng Alton na ‘to. Hindi ko alam kung anong meron sa kanya pero naiinis na talaga ako sa kanya sa mga sinasabi n’ya. Alam ko naman na mali talaga ung ginawa ko pero hindi naman n’ya talaga kailangan pagmukain akong masama sa harap nila. Hindi naman ako nakapatay para sabihin n’ya na masamang tao ako na wala akong gagawing maganda. Napabuntong hininga ako at nagpapasalamat na lang ako na nasa kusina sila at naiwan na lang akong mag-isa dito sa sala dahil bigla na lang tumulo ang mga luha ko mula sa mata ko, ang sensitive ko masyado nitong mga nagdaaan na araw. Hindi na kasi kinakaya nitong puso ko lahat ng masasakit na salita na natatanggap ko dahil punong puno na ako, konti na lang talaga bibigay n
