Nagising si Socorro mula sa pagkakatulog. Hindi niya napansin ang oras, alas sais na pala ng hapon, mamasa-masa ang leeg niya, hindi kasi niya na-on ang aircon kaya parang binalot na itlog siya sa pugon dahil sa init. Dahan-dahan niyang trinapohan ang kaniyang leeg at naupo mula sa pagkakahiga. Nilinga niya ang paligid na ngayo'y medyo madilim na.
Dahan-dahan siyang tumayo at sinilip ang bintana, nakikita niyang nasa may tabing-dagat ang karamihan sa mga kasamahan nila. Masaya itong naglalaro ng volleyball. Tamad niyang tinungo ang kaniyang maleta at kumuha ng damit, magbibihis muna siya ng presko.
Nang makapagpalit siya ng isang sando at shorts ay tinali naman niya ang kaniyang buhok.
"Maybe it will be fine," sabi pa niya sa sarili habang tanaw ang sarili sa salamin. Mayamaya pa ay lum
