Mercilita’s pov
HINDI ALAM ni Mercilita kung paano niya kakausapin si Sebastian. Wala siyang number nito simula nang maghiwalay sila. Isa na lang ang iniisip niyang paraan. Ang hanapin na naman ito sa social media tulad nang ginagawa nila noon ni Nessie.
Nagtataka pa siya pagpasok niya ng opisina dahil lahat ng empleyado ay nasa lobby at mukhang may inaabangan.
Kaagad siyang nilapitan ni Steph.
“Anong ganap?” hindi niya maiwasang tanong.
“Hindi mo ba alam?” tanong sa kanya ni Steph. Kung alam niya ba ay bakit pa siya magtatanong.
Napakunot-noo siya.
“Nagpadala na memo si Mr. Herrara kanina. Iba na daw ang may-ari ng kumpanya at ngayon daw ang turn over,” wika sa kanya ni Steph.
“Paanong nangyari ‘yon?” naguguluhan niyang tanong. Kahapon lang kasi ay promotion niya at wala naman si
