PAULIT-ULIT na tunog ng cellphone ang gumising kay Sebastian. Nang una ay hindi niya iyon pinapansin dahil inaantok pa rin siya. Sa tingin niya ay umabot nang tatlong tawag ang kanyang natanggap. Nang mapagod ang caller ay hindi na muling tumawag kundi narinig niya na lang ang kanyang message tone. Hindi niya mapigilang hindi mainis.
Inabot niya ang kanyang cellphone na nasa side table. Pilit niyang idinilat ang kanyang mga mata dahil sa silaw ng cellphone. Tiningnan niya ang oras. Alas kwatro pa lamang nang madaling araw at halos kakapikit lang niya. Binasa niya ang natanggap na message. Galing iyon kay Mama Asuncion. Ayon dito ay nasa hospital daw si Pinky at nagtangkang magpakamatay. Napabangon siya sa kanyang kama at napabungtong-hininga. Hindi niyang magawang sumagot.
He did not kn
