NAGISING si Mirathea dahil sa nanunuot na lamig sa buong katawan, kahit may nakapatong na makapal na kumot sa katawan niya.
Nangunot ang noo niya. Hindi niya natatandaan na nagkumot siya kagabi nang mahiga siya rito sa couch.
Inalis niya ang kumot sa katawan, saka bumangon at agad na tiningnan niya ang kama.
Kinabahan siya nang makitang wala na roon ang kambal. Nagpapanik na kaagad siyang napatayo. Muntik pa siyang mawalan ng balanse kung hindi siya nakahawak sa arm rest ng couch.
Dali-dali niyang isinuot ang sandal at tatawag na sana siya ng nurse nang bumukas ang pintuan ng silid na ikinatigil niya.
Muntik pa niyang matutop ang dibdib sa biglang pagkalabog niyon nang magtama ang mga mata nila ni Lawrence. May pagtataka sa mukha nitong nakatingin sa kaniya. Kumunot ang noo nito at n
