CHAPTER 57
--------------------
GED POV
--------------------
Makaraan ang ilang sandali ay sinundan ko na ulit sya pero hindi pa rin ako nagpakita. Bali nagkubli muna ako sa tagong area at pinagmasdan ko yung ginagawa nya. Nasa labas kasi sya at kasalukuyang sinisipat ang nabalahong sasakyan.
Kahit nasa malayo ako ay kitang kita ko na inis na inis sya. Tulad nya ay alam ko rin na mukhang imposible ng maiahon pa ang sasakyang iyon ngayon. Bukod kasi sa nakalubog na ang ibang gulong non sa may putikan ay nasa malalim pa itong hukay.
Maya maya ay nakita ko na tumayo si Ma'am Brandee at itinaas ang cellphone nya sa ere. Sinusubukan nya sigurong sumagap ng signal upang humingi ng tulong pero deadspot talaga ang lugar na ito.
Kung hindi sya pinasundan ng kanyang ama ay sa malamang na mabu
