KUMAWALA ang isang napakalakas na hangin sa ere matapos lampasan ni Neptune ang kanyang kalaban. Isang babae ito na may abilidad na gumamit ng mga halaman. Kaya nitong magpalabas mula sa lupa ng napakaraming bagin na kayang puluputan ang sinuman. Ngunit nang mga oras na iyon ay tila katapusan na nito mula sa kamay ng isang Maharlika. Bumulwak kasi mula sa leeg nito ang napakaraming dugo. Napahiyaw rin ito dahil sa sobrang sakit at unti-unting bumababa ang lebel ng napakalakas nitong itim na kapangyarihan.
"N-nata...lo r-rin kit...ta..." sambit naman ni Neptune habang hawak ang kanyang kutsilyo na puro dugo ang talim. Duguan rin siya at sugatan dahil sa pakikipaglaban. Pero sa kabila noon ay nagawa pa rin niyang matalo ang napakalakas na kalaban.
Habang nasa ere si Neptune, dahil na
