ISANG araw ang nakakalipas nang pasukin ni Venus at Mars ang Underground Arena, kasabay noon ay halos ang mundo ng mga tao ang nabalot na ng kadiliman. Umaalingawngaw nga sa NCR ang maraming pagsabog. Umaabot na rin ang paglaganap ng tila inpeksyon sa mga taong dinulot ng itim na kapangyarihan sa mga kalapit na probinsya. Nagpapadala na rin ng mga hukbong pangdigma ang mga bansa na may malalakas na sandata, tulad ng USA at Russia ngunit ni isa sa mga iyon ay nabigo lamang. Hindi kinakakaya ng mga eroplanong pandigma ang tindi ng kapangyarihang itim na lumilibot sa buong kabisera kaya madaling sumasabog ang mga ito sa paglapit dito.
Marami na at padagdag pa nang padagdag ang mga buhay na nalalagas, at ang mga dugo nila ay tila sumisigaw ng tulong.
Wala ng kasiguraduhan pa ang pagliw
