SA PAGBIGAY ni Jupiter ng panghuling suntok sa duguang si Izu ay bigla na lamang umangat sa kanyang harapan ang isang makapal at napakatigas na bloke ng lupa. Umalingawngaw tuloy sa buong paligid ang isang napakalakas na salpukang idinulot noon. Tumalsik sa hangin ang napakaraming itim na enerhiya at ang bumulwak din isang napakalakas na hangin dahil sa impact ng kamao niya. Nagawa rin nitong payanigin ang buong paligid.
Sa likuran nga ng makapal at mataas na bloke ng lupa ay isang boses ang biglang narinig.
"Ilayo ninyo rito si Prinsipe Izu. Magmadali kayo at pagalingin n'yo kaagad siya!"
Napatingin si Jupiter sa itaas at may sampung kakaibang nilalang ang kanyang nakita. Karamihan doon ay may ulo ng sa hayop. Nababalot ang katawan ng bawat isa ng mga baluting yari sa metal at
