"Ate Gina," muling sabi ko kaya parang biglang siyang bumalik sa huwisyo.
Ngumiti siya ng pilit sa akin saka tumawa ng mahina pero alam kong pilit lang rin iyon.
"Tara na, Feigh. Tapusin na natin 'to," sabi niya saka mabilis na nagpatuloy sa pagtatrabaho kaya dahan-dahan narin akong bumalik sa mga ginagawa ko ng hindi naaalis ang kaba sa akin.
Matapos ang paglalagay namin ng mga groceries sa pantry ay kaagad kaming inutusan ni Manang Janet na maglinis sa bodega ng mansyon. Dalawa lang kami ni Ate Gina kaya matagal kaming natapos. Maraming mga alikabok at maraming mga daga. Itong parte lang yata ng mansyon ang talagang madumi dahil sa mga nakatambak na mga gamit na matagal na yatang hindi nagagamit.
Kain lang ang naging pahinga namin ni Ate Gina. At gabi na kami natapos kaya wala na ta
