Can't Forget You

Can't Forget You

PROLOGUE:

Nagkatitigan sina Brylle at Claire sa isang mataong lugar. Magkaraan nang ilang segundo ay umiwas na nang tingin si Claire. Ngunit si Brylle ay pilit pa ring pinakiramdaman ang sitwasyon at gulong-gulo sa hindi maipaliwanag na bilis na t***k ng kanyang puso. Hanggang sa kanyang pag-uwi ay hindi mawaglit sa kanyang isipan ang mala anghel na mukha at matang punong-puno ng kalungkutan ng isang babae. Hindi siya makatulog hangga't hindi niya malaman ang pangalan at pagkatao nito.

Sina Brylle at Claire ay kapwa nasa makabagong mundo ng panahon. Bawat galaw ng mga tao sa publiko ay nakikita at kontrolado nang gobyerno. Bawat maling gawa at labag sa batas ay awtomatikong mapaparusahan dahil sa mga nagkalat na mga AI generated machines bawat sulok ng publikong lugar. Lingid sa kaalaman nang marami ay simula pagkapanganak pa lamang ay may inilalagay na na chip sa katawan ng isang tao para malaman ang mga lokasyon at estado ng bawat tao. May isang bagay lang na hindi kayang gawin nito, at iyon ay malaman kung ano ang nasa isip at puso ng isang tao. Sa mundong ito ay bawal umibig sa isang taong hindi kinabibilangan ng iyong pangkat o uri. Si Brylle ay napabilang sa mga pangkat na tinatawag na "ELITE" at si Claire naman ay napapabilang sa mga pangkat na tinatawag naman nilang "STRONG". Magkaiba ang pamumuhay at pribilehiyo ng dalawang pangkat na ito. Kung kaya't hindi ito magkasundo at madalas ang nangyayaring bangayan sa mga pagkakataong may mga pagtitipon o okasyon ng dalawang panig.

Magiging hadlang kaya ito sa pag-iibigan ng dalawa? O patuloy pa ring mananaig ang sinisigaw ng kanilang mga damdamin?