Chapter 39
Series 09: Lunova Santos
Tahimik lang na nakaupo si Lorraine sa pang-isahang sofa habang nasa harapan niya ang mga magulang ni Lu at ang kapatid nito na malawak na nakangiting nakatitig sa kaniya. Hindi malaman ni Lorraine kung anong gagawin niya sa mga oras na ‘yun dahil nahihiya sa mga magulang ni Lu. Mag-iisang oras na simula ng iwan siya ni Lu sa tahanan ng mga magulang nito at kanina pa siya walang imik dahil hindi niya alam kung paano niya kakausapin ang mga ito.
Masaya si Lorraine na ipinakilala na siyang girlfriend ni Lu sa mga magulang nito, magaan na ang kaniyang loob na may maitatawag na siya sa kung anong relasyon nila ni Lu. Pero ang saya na nararamdaman niya ay may kasamang kaba na baka hindi naman talaga siya tanggap ng mga magulang ni Lu at maganda lang ang
