Chapter 41
Series 09: Lunova Santos
Kinagabihan, ay nagpasya si Lu na magpalipas ng gabi sa bahay ng kaniyang mga magulang kaya natuwa hindi lang ang kaniyang ina, kundi narin ang kaniyang bunsong kapatid. Nakabalik na rin ang ama ni Lu matapos ang meeting na kinailangan niyong puntahan sa PNP, ngayon ay nasa dining area sila at sabay-sabay na kumakain. Kahit papaano ay nabawasan naman ang nararamdamang hiya ni Lorraine sa mga magulang ni Lu dahil pinaparamdam nila na tanggap siya ng mga ito bilang nobya ng anak nila.
“Alam mo ba Lorraine na natuto si Lu na magluto dahil lagi siyang nanunuod sa akin noon, sabi niya sa akin kailangan niyang matutong magluto para sa sarili niya lalo na pag naging independent na siya. I know right now hindi na siya nagluluto para sa sarili niya lang kasi k
