Chapter 15
Series 09: Lunova Santos
Maagang nagising si Lu pagsapit ng umaga, hindi pa ganun kumakalat ang liwanag sa labas nang lingunin niya si Karlos na mahimbing pang natutulog, kaya kinuha ‘yung pagkakataon ni Lu na maayos ang sarili niya bago siya sumabak sa pangalawang araw niya bilang miyembro ng isang sindikato.
Agad na tumayo si Lu at inikot muna ang kaniyang paningin sa buong espasyo ng maliit na kubo na tulugan nila ni Karlos, nang masiguro niya na walang butas na pwedeng sumilip ay nagsimula na siyang tanggalin ang prosthetic face na suot niya, nang maalis niya na ay nagsimula na siyang ayusin ang mukha niya gamit ang isang damit na kinuha niya sa isang bag na naroroon at bahagyang binasa ng sa isang water jag na maliit na meron sa loob ng kubo nila. Pinunasan niya ang mukh
