Chapter 22
Series 09: Lunova Santos
Pigil na pigil ni Lu ang inis na nararamdaman niya habang siya ay nagmamaneho ng kaniyang dalang sasakyan nang makaalis sila sa Isla. Nakasunod sa likuran niya ang kotseng sinasakyan naman ng team niya, pinapaderetso niya ang mga ito sa department nila habang siya ay dederetso pauwi sa bahay niya upang iwan muna doon ang dalaga.
Tahimik lang si Lu sa kaniyang pagmamaneho pero panaka-naka ang pagtingin niya sa back seat niya kung saan doon nakaupo ang dalaga na niligtas niya. Nakaupo ito sa pinakadulo ng upuan habang nakatalukbong ang mukha nito ng hood ng jacket na binigay niya. Simula ng umalis sila sa Isla at sa kotse niya pinasakay ang dalaga ay kahit isang tingin ay hindi siya nito tinapunan, ayaw siya nitong kausapin at para siyang may sakit na
