"Oly, ilang araw ka ng tahimik, ha? Nag-aalala na ko sa'yo."
"Ayos lang ako, Herl. Ganito talaga kapag walang pera." Ngumiti si Oly bago maupo sa sofa nila sa sala.
"Ba't naghahanap ka na naman diyan ng bagong trabaho?"
"Para lang sure. Hindi pa kasi ko regular sa company."
"Pero sure namang mare-regular ka. Oly, humarap ka nga sa akin." Pagpaling ni Herl sa mukha ni Oly. "Dahil ba kay Mark?"
"Hindi, ah," sagot ni Oly at bumaling ulit ng tingin sa laptop.
"Kay Mark nga. Tama nga kami ni Tim." Bumuntong hininga si Herl sabay sandal. Pinagmasdan niya si Oly na seryosong naghahanap ng bagong trabaho. Halos isang linggo na rin 'tong ganito kaya nag-aalala na sila.
Dati kasi, kahit wala namang pera si Oly ay nagagawa pa rin nitong ngumiti. Samantalang ngayon, kahit bilhin yata nila 'yu
