"Kailan mo balak ibalik 'yang necklace sa akin? Sinabi ko na sa 'yong hindi pa 'yan tapos. Ang pangit tapos sinusuot mo na," reklamo niya nang makita ang kwintas sa leeg ni Oly. Kakapasok lang ni Kade sa kusina at talagang naaasiwa siya sa itsura ng kwintas na ginawa niya.
Tumigil tuloy si Oly sa pagluluto at agad siyang tinignan. Nawala ang masayang pagkanta nito at napalitan ng katahimikan. Kumunot ang nuo ng dalaga nang magkatapat ang kanilang mga mata.
"Pakiulit nga," wika ni Oly sa masungit na tono kaya napalunok si Kade, biglang nanibago sa girlfriend. Bigla nitong tinuro sa mukha niya ang sandok na hawak na tila ba nagbabanta. Nilayuan niya agad 'yon at bahagyang napaatras habang nakataas ang dalawang kamay. "Dali, ulitin mo, Mr. Cuevas. Alin ang pangit?"
"Easy," natatawa niyang
