"Anak ng!" sigaw ni Oly na nanlalaki ang mata nang makita si Luke. Nakasuot ito ng pambahay na damit, puting sando, pajama at tsinelas. Hawak-hawak din ng binata ang malaking aso kanina kaya napaatras agad si Oly. "Bakit ka nandito? Saka bakit mo hawak 'yan?!"
"You? Why are you here? Nakita ko ang picture mo sa harapan ng gate nitong subdivision at sa pagkakaintindi ko, bawal kang pumasok dito."
"Anong pake mo?" Maglalakad na sana siya kung hindi lang nagwala ang asong hawak ni Luke at tinahulan siya sa may gawing binti. "Hala! Bakit ba ganyan 'yan?!" Halos maiyak na siya dahil sa sobrang takot. "'Wag mo kong tawanan diyan! Hawakan mo 'yang mabuti kung ayaw mong isumbong kita kay Lola!"
"Isusumbong mo ko?" Tinawanan siya ni Luke. "Is it my fault that you are afraid of my dog? Besides,
