"Bata, ayos ka lang? Saan ka nakasakay? Anong pangalan ng kasama mo? Anong pangalan ng mama mo?"
"Oly!" sagot ni Amelia habang yakap ang kanyang rabbit. Nakasimangot siya habang nakaturo sa nasusunog na kotse. "Mommy!"
Tumingin doon ang lalaki bago bumuntong hininga at iwan ang bata. Bumulong ito sa kanyang superior. Anak ng dalawang namatay ang batang kanina pa umiiyak sa gilid.
*****
Takang nagkatinginan sina Kade at Herl. Para silang mga istatwa na nakatingin sa isa't isa habang kumukurap-kurap. Kasama ng dalaga ang boyfriend niyang si Timmy na inimbita rin ni Chairman Yang.
Hindi makakibo si Herl, iba kasing babae ang nakahawak sa braso ni Kade. Nakasuot ito ng magarang black dress na may butil-butil na diamond sa gawing bewang. Hindi talaga siya nagagandahan kay Fiona. Puro inis
