"Ano alam nitong bata? Bakit ka pa nagdala dito ng dagdag na palamunin? Hindi pa ba sapat 'tong mga bata dito?" galit na sabi ni Gwenda, nakaturo sa batang dinala ng kanyang kapatid.
"'Wag ka ngang sumigaw, ate! Baka marinig ka nila!"
"Ikaw ang sumisigaw! Ano bang nangyayari sa'yo?! Kanina ka pa wala sa sarili mo!"
"Hindi ko pwedeng ibalik 'yang bata do'n!"
"At bakit?" Tumaas ang kilay ni Gwenda. Nilalakihan niya na ng mga mata ang kanyang kapatid na kanina pa natataranta.
"Napatay ko 'yung mag-asawa," matalim nitong bulong. "Hindi ako pwedeng makulong, ate. Nagsisimula pa lang ang buhay ko."
"At anong gusto mong gawin natin diyan?"
"Magtatago ako, ate. Basta ikaw muna ang bahala diyan."
"Paano kung may pumunta ditong mga pulis?! Ipapahamak mo pa ko!" Pinagpapalo niya sa braso ang
