شمس الخلود

الفصل الأول

تدخل بخطوات بطيئه وقلب محطم وعيون حمراء تحبس بداخلها الدموع وينظر لها الجميع بشفقة ممزوجه مع الحزن ....بعد دخولها المكتب دخل خلفها أدهم

أدهم : وصلنا عقد جديد من شركة كبيرة لسه داخله السوق جديد

جوري بتوهان : ها

أدهم بعصبية مصتنعة : جوري مينفعش كدا إللي راح راح وإللي أنتي بتعمليه دا غلط كدا الشركة هتخسر الموضوع مر خلاص عدىٰ عليه 5 سنين ...هتفضلي لإمته كدا .. أغلب الصفقات بيعملها أحمد ومازن

جوري بدموع : أسفة صدقني بحاول بس مش عارفة

أدهم بحزن على حالها فما حدث لها ليس بالأمر السهل أيضًا : خلاص متبكيش آسف بس أنتي لازم ترجعي جوري القوية إللي بتمشي في الشارع تخلي كل أعدائها يروحوا من شارع تاني ... اعملي كدا علشان عيالك مش خايفة عليهم وعلى حالتهم النفسية وهمن شايفينك متحطمة كدا

جوري بتفكير وهى تمسح دموعها : معاك حق أنا لازم أرجع أقف من جديد جوري الأمير مش كدا خالص ومينفعش تكون ضعيفة أنا لازم أرجع زي زمان علشان عائلتي كلها مش بس عيالي

أدهم بإبتسامة فرحة : يعني من دلوقتي جوري إتولدت من جديد

جوري بثقة أكثر مما كانت يومًا : أيوة جوري خلاص رجعت..... ويلا بطل رغي وحدد موعد علشان نتقابل فيه مع الشخص اللي بتقول عليه دا وهاتلي الورق بتاع الصفقة وكل حاجة

أدهم بضحك : تمام يا فندم

__________________

_في مكان آخر وتحديداً في أحد الشوارع المزدحمه تقف فتاة جميلة تملك شعر أصفر كالذهب وعيون زرقاء كالبحر عمرها 10 سنوات وتبيع المناديل للمارة.... إتجهت لإحدى السيارات الفخمه التي توقفت بسبب إظهار إشارة المرور العلامة الحمراء

الفتاة ( شمس ): مناديل يا عمو

الشاب بق*ف : إمشي من هنا يابت مش ناقصني إلا واحدة زيك

شمس بغضب : روح إلهي تنشك في زورك يا بعيد ... رجاله هم مبناخدش منهم غير الكلام اللي شبههم

الشاب بغضب شديد : إنتي مجنونة يا بت إنتي متعرفيش أنا مين

شمس بضحكة رقصات لا تدل على سنها بتاتاً :هيهيهي فشر روح يا روح أمك إلعب بعيد أنا مش بخاف من حد

فتحت الإشارة وتحرك السائق بالسيارة مسرعاً لكي لا تحدث مشكلة

__________________

بعد نصف ساعة

_في غرفة الإجتماعات تجلس جوري مع المتعاقدين وتتفق معهم على الصفقة وكل تلك الأمور ..... بعد إنتهاء الإجتماع تخرج هى والمتعاقد

المتعاقد( إياد بإبتسامة ) شاب جميل يملك جسد رياضي ومظهر يجعل كل الفتيات تنجذب له : إتشرفت بالشغل معاكي وزي ما إتفقنا بكرا هاجي انا ووالدي نتفق على الباقي

جوري بإبتسامة : أنا أكتر + سعيدة إني هشتغل مع حد شبهي

إياد بإستغراب : شبهك إزاي!!!

جوري : أنا بدأت زيك لما كان سني 18 سنة وحبيت إن باباك مخليك مسئول على صفقة كبيرة زي دي

إياد بإعجاب واضح وإستغراب : معرفش ليه حاسس إني شفتك قبل كدا بس مش قادر أجمع

جوري بضحك : كلو بيقولي الجملة دي ... ممكن علشان أنا صوري بتنزل في الجرايد كل شوية دا غير البرامج بتاعت التليفزيون اللي مش وراهم غيري ( قالت أخر جملة بسخرية )

إياد بضحك : ممكن .. يلا عن إذنك

جوري : إذنك معاك

___________________

في اليوم التالي في إحدى الأحياء العشوائية داخل شقة مكونة من غرفتين ومطبخ وحمام وصالة تجلس شمس مع والديها لتناول الطعام

والد شمس ببرود : فين الفلوس اللي جمعتيها يابت

شمس بضيق : إديتهم لمراتك إمبارح

والدتها بغيظ : إسمها ماما يا حيوانة

هزت شمس كتفيها بعدم إهتمام

والدها : بما إنك كبيرتي خلاص هتبدأي ترقصي مع أمك من النهاردة في الكابيرة شغل الشحاته دا مبي**يبش

ضحكت والدتها ضحكة قذرة

شمس بغضب وهى تنهض : نعممممم .. لا يا روح أمك إنته وهى مش كفاية مش دخلتوني مدارس عايزيني أرقص كمان هيهيهي فشر متحلمش إنته عايزهم يسجنوك علشان مشغل طفلة في الرقص

والدها : لا واضح إنك طفلة وأديني قولت هتشتغلي يعني هتشتغلي وهتفضلي تشحتي كمان ووريني هتعملي إيه يا قليلة الربايه

شمس بضحكت رقصات : وهى فين التربية دي يا حج... أبويا طبال وأمي رقاصة هطلع متربية لمين هيهيهي لخيالي

أمسكها والدها ودخل بها لغرفتها وظل يض*بها حتى فقدت الوعي ولكنها لم تسمح لدمعة واحدة بالنزول منها

في المساء ألبستها والدتها بدلة الرقص وجعتلها ترقص بدلا عنها وفي الصباح تقوم بالشحاته ومرت عدة أيام على هذا الوضع

_________________

أما جوري فحالتها تحسنت كثيرًا وعادت الشركة ترتفع بمكانتها في السوق

"في قصر الأمير"

يجلس الجميع لتناول الإفطار

آسيا : حبيبي أنا هتأخر النهارده برا معلش علشان هخرج مع صحابي

مهند ( ابنها الصغير ) : ودا ليه بقى يا هانم

أنور بصدمة : هانم!!! دي ماما ياد

مازن بضحك : مش مستغرب طالعة لمين

نرجس بتفكير : مش عارفة ليه حاسه إن الموضوع فيه تلقيح كلام علينا يا جوري

جوري بضحك : متقلقيش يا قلب جوري كل واحد ليه يومه واللي بيلعب بالنار بيحصله إيه؟

لؤي ونرجس ومهند : بيتلسع

جوري بضحك : حبايب قلبي إنتوا ... إستنوا بس كدا أنا عندي خطة تحفه

لينا بغيرة( ابنة جوري الصغيرة عمرها 7 سنوات) : وأنا يا ست ماما نسيتيني

جوري بضحك وهى تقبلها من خدها : وهو أنا أقدر يا باشا دا إنته الأساس وكلوا فلصوا

لينا ببرود : أمم طيب عموماً أنا طالعة ألبس ورايا كورس يا حجة هتاخر

ذهبت لينا وتركت جوري في صدمتها : مش هقول طالعة لمين لأنها أكيد لأبوها مش ليا

ضحك الجميع وبعد قليل جاءت جوري لتذهب للشركة ولكن أوقفها كريم

كريم : جوري

جوري : إيه يا قلب جوري أنت

كريم بقلق : أنتِ متأكدة إنك كويسة... فيكي حاجة طيب

جوري بإبتسامة إن**ار وقلب متألم : متقلقش يا حبيبي أنا كويسة وقررت أنسى اللي فات وأفكر في اللي جاي

كريم بفرحة وهو يقبلها من خدها : يعني افهم من كدا إن غلسة هانم رجعت

جوري بضحك : غلسة هانم ماشي ماشي يا كريم هوريك الغلاسة على أصولها بس صبرك عليا

كريم بخوف وضحك : أحيييه دي مفترية هانم كمان رجعت ... أنا لازم ألحق نفسي

ركض مسرعًا وركب سيارته وضحكت هى عليه وإتجهت لعملها

***************

في نفس المكان الذي تبيع فيه شمس المناديل إتجهت لإحدى السيارات ووجدت بداخلها نفس الشخص الذي تشاجرت معه من قبل

شمس بغيظ : هو أنت تاني

الشاب ببرود : مش ذنبي إني بعدي من هنا كل ما أجي أروح شغلي يعني

شمس مقلدة إياه : نا نا نا نا

إبتعدت عن سيارته وفجاءة كانت تقترب سيارة مسرعة من شمس والشخص الذي بداخلها قام بضغط الفرامل بسرعة كبيرة لأنه لم يكن قد لاحظ إشارة المرور الحمراء فأوقف السيارة ولكنه لم يتمكن من إيقافها قبل أن يصدم شمس.....

نزل إياد بسرعة من سيارته ونظر للسائق الذي صدمها بغضب

حملها إياد وركب سيارته وأمر السائق بالتحرك بسرعة

إياد بخوف : أنتي كويسة

شمس : حرام عليك سيبني أموت أبوس إيديك

إياد : أنتي مجنونة

شمس وهى تغلق عينيها : أنا عايزة أموت بسبب حياتي

إياد بحزن : أنا أسف وعد مني لما تخفي مش هخليكي تبيعي مناديل تاني أبدًا

شمس بضحكة سخرية وآلم : أنا رقاصة مش بس ببيع مناديل وكل دا بسبب أهلي ( ضحكت بسخرية ) أنا كان نفسي يبقى عندي أهل زي باقي الناس أهل يدخلوني المدارس أتعلم ... أهل يحبوني ويحموا شرفي مش يشغلوني رقاصة

أغمضت عينيها فاقدة الوعي

إياد : إستني متغمضيش قوليلي إسمك إيه طيب

فتحت شمس عيونها فتحه صغيرة ونطقت بصوت منخفض : ...

إياد بإستغراب : إي ...إيه!!!؟

__________________

" في المستشفى "

بعد بضعة ساعات يجلس إياد بالقرب منها وتفتح عينيها ببطء

شمس بتوهان : أنا فين

إياد : في المستشفى يا قمر متقلقيش رجلك بس اللي إت**رت وخبطتك في دماغك هى اللي خليتك يغمى عليكي كدا

شمس بضحك : بتقولي انا يا قمر

إياد بضحك هو الآخر : مهو أنا معرفش إسمك أعمل إيه

شمس بإبتسامة : إسمي شمس

إياد : نعم ودا إزاي دا!!؟

شمس : إيه هو اللي إزاي؟!

إياد : إنتي قولتيلي إسمك في العربية وكان بيبدأ بحرف الألف بس أنا مش سمعته كويس علشان كدا بسألك دلوقتي

شمس بإستغراب : مستحيل لا أنا إسمي شمس أكيد أنتَ سمعت غلط ماما سمتني شمس علشان بتقول إن شعري بلون الشمس

إياد بتفكير : جايز أكون سمعت غلط بس أمك معاها حق لما سمتك كدا

شمس بخجل محاولة تغير الموضوع : هو أنا مش همشي من هنا

إياد بضحك ملاحظًا تهربها : ماشي هنمشي هروح أجهز الأوراق بتاعت الخروح وراجعلك

ذهب وقام بإنهاء جميع الإجراءت وعاد مرة أخرىٰ لها وقام بحملها ووضعها برفق في السيارة وجلس بجانبها وإنطلق السائق بهم نحو فيلا عائلة إياد

شمس بتساؤل : هو إحنا رايحين فين؟!!

إياد بإبتسامة بسيطة : بيتي

شمس بقلق : لأ روحني البيت أرجوك ولو مش هتقدر نزلني هنا وأنا هعرف أوصل لوحدي

إياد بقلق : طيب إهدي بطلي جنان تنزلي إزاي بمنظرك دا

شمس بغضب : وماله منظري سوري يعني مهو بردو إزاي حته شحاته زي تنزل بفستان قديم متوسخ في مجمع كبير زي دا وكله فلل وناس راقية مش كدا بس متخافش همشي على جنب علشان محدش يشوفني

إياد بصدمة : شمس أنتِ بتقولي إيه أنتي بتهزري أنتي فهمتيني غلط والله مكنش قصدي بطلي جنان و إهدي وإسمعيني

شمس بضيق : أمم إتفضل قول عايز إيه خليني أمشي

إياد بهدوء : بصي أنا وعدتك إني هخرجك من العيشة دي ومش هخليكي تبيعي مناديل تاني أو ترقصي

شمس بعدم فهم : قصدك إيه مش فاهمه

إياد : بصي انا هاخذك تعيشي معايا في بيتي

شمس بصدمة : لا طبعا مينفعش أنا مينفعش أعيش مع راجل أنا وهو في بيت لوحدنا

إياد : بطلي غباء وحدنا إيه أمي وأبويا عايشين معانا دا غير أختي الصغيرة وأنا واثق إنكم هتحبوا بعض جامد وتتفقوا وطبعا دول غير الخدم كمان فين بقىٰ لوحدنا

شمس بتفكير : طيب وأهلي

إياد بغضب : أنتي بتسمي إللي عملوا فيكي كدا وخلوكي ترقصي وتبيعي مناديل أهل لا بجد أنتي مش طبيعية

شمس بغضب وغيظ : مش هقدر أقول إنهم مش أهلي ودمهم بيجري في شراييني أنا بكرههم بس أكيد هيدورا عليا

إياد بهدوء : أنا هخلي بابا يتبانكي

شمس بصدمة : إيه طب إزاي!؟

إياد بتفكير : أممم هتعرفي أنا هوصلك البيت ترتاحي وهروح مشوار شغل ضروري وراجعلك نتكلم في الموضوع دا

حل ال**ت عليهم طوال الطريق وبمجرد وصولهم تكلمت شمس

شمس : طيب ممكن أفهم أنت بتعمل كدا ليه إشمعنا أنا يعني فيه أطفال كتير زيّ

إياد : مش عارف بس.....

إياد في نفسه : أقولها إزاي إني حبيتها مكنتش بآمن بالحب من أول نظرة بس دلوقتي آمنت بيه ويمكن مكونش حبيتك بس مش هسمح لأهلك يسيبوكي تشتغلي الشغل إللي كانوا بيشغلوهولك دا

شمس مقاطعة حبل أفكاره : بس إيه

إياد بإبتسامة : أنا غلطت معاكي ودايقتك وأنتي عملتي حادثة بسببي فأنا حابب أعوضك

شمس بحزن : طيب شكرًا بس بجد مكنش فيه داعي لكل دا

إياد : طيب يلا إنزلي أنا كلمتهم لما كنا في المستشفى وهما عارفين إنك جايه متقلقيش ولو حد دايقك متكلميهوش ولما أرجع تحكيلي

أومأت إيماءة صغيرة ب**ت ونزلت من السيارة بعد أن حملها وأخذها للداخل وقام هو بالتوجه نحو شركة الأمير

**************************

بعد إنتهاء الإجتماع

إياد : جوري هانم ممكن أتكلم معاكي في موضوع مهم

جوري بإستغراب : إحنا مش إتفقنا علىٰ كل البنود جوا فيه مش مشكلة

إياد بخجل : لا لا هو الموضوع شخصي ملهوش علاقة بالشغل

جوري بإبتسامة جميلة وهمس : أممم الموضوع فيه بنت بس يمكن تفكيري يطلع غلط المهم ( قامت برفع صوتها قليلًا ) تعالىٰٖ ورايا علىٰ غرفة الإستراحة نتكلم هناك أحسن

إياد بإبتسامة : تمام

*************************

جوري وهى تمسك كوب القهوة بيدها وترتشف منه رشفة صغيرة وتنظر لإياد بنظرات تفحص تحاول قراءة ما يدور بعقله : هل هتتكلم ولا هنفضل كدا كتير متخفش إتكلم أنا ملاك مش بعض

إياد بضحك وتوتر : هو الصراحة أنا سمعت إنك عندك أكتر من ميتم وحبيت أستفسر عن حاجة

جوري : أه أكيد إتفضل

إياد بتنهيدة : بصي ............

وحكى لها كل ما حدث وأنه يريد مساعدتها ولكن والده رفض تبنيها بسبب والدته ووافق على مكوثها معهم فقط بشكل مؤقت

جوري بتفكير : أمم إسمها إيه!؟

إياد : شمس

جوري : تمام إعرفلي عنوانها وأنا هروح أتكلم مع أهلها وهتبناها أنا تحت إسمي وممكن أخدها ملجئ من إللي عندي لو أهلك مش راضين مكوثها عندكم

إياد بفرحة : بجد ... طيب إزاي هتقنعي أهلها دول باينلهم قاسين ومتوقعش هيسيبوها بسهولة

جوري بخبث : وماله همن مش عايزين غير حبة فلوس وهنخلص منهم خالص أهم حاجة قرر هتقعد البنت فين لو م**م تبقىٰ عندك هتبناها أنا علشان تقدر تبات معاكم أو في أي مكان إنما لو حطيتها في الميتم مش هينفع تبات براه

إياد : لا هتبات معانا أنا هقنع بابا أنتي مش تقلقي مش عارف أشكرك إزاي يا جوري هانم

جوري : بطل تقولي جوري هانم وأنا هعتبرك بتشكرني كدا إيه رأيك

إياد بضحك : من عينيا يا قمر

جوري بضحك : إحمد ربنا إني آدم جوزي مش موجود وإلا كان قتلك

إياد بفضول : هو فينه صحيح أنا حابب أقا**ه وأعا**ك قدامه

جوري بحزن : .........

بقلمي : مروه كمال محمد (أميرة الظلام)