شمس الخلود

الفصل الثامن

صعدت شمس للأعلى بسرعة ووجدت نيلوفر تجلس ولؤي ينام على قدميها وتلعب هي في شعره وهي تنظر للسماء معه

كادت ترحل ولكن نيلوفر لاحظتها فنادت عليها فاتجهت لهم وجلست بجوار نيلوفر

شمس بتوتر : أنا بس فكرتك هنا لوحدك قولت أجي أقعد معاكي

نيلوفر بابتسامة خبث : كويس إنك جيتي اقعدي مع لؤي شوية لحد مانزل أشرب وأرجع

لم تمهلها وقتًا للاعتراض وأسرعت نحو المصعد أما شمس فظلت تنظر في أثرها لا تعلم ما يجب عليها فعله

لؤي بابتسامة : اقعدي

نظرت له فكرر جملته ولكن بصرامة خفيفة فجلست بجواره وتلقائيا تسطحت على الأرض لتنظر للنجوم

لؤي بهمس ودموع : تعرفي إن إيزل هي بسمة حياتي وهي أملي اللي مش بينقطع ومش هينقطع إلا في حالة واحدة

شمس بتردد : واللي هي ايه؟

لؤي وهو ينظر له ثم يعيد توجيه نظره للنجوم ويشير لها على نجمة : شايفة النجمة دي

نظرت لها ثم هزت رأسها ب**ت فابتسم وقالي : من سنتين اشتريتها لما كنت في أمريكا روحت ناسا واشتريتها وسجلتها باسم إيزل وطول ما النجمة دي لسه موجودة يبقى إيزل لسه عايشة بالنسبالي

شمس باستغراب : هو أنت ينفع تشتري النجوم؟!

لؤي بابتسامة : أيوة ينفع فيه عرب كتير مشترين نجوم مش بس الأجانب

شمس بابتسامة : حلوة أوي

لؤي : هي إيه؟

شمس : النجمة والهدية حاجة مميزة مش هدية عادية

لؤي بشرود : علشان إيزل مميزة مش حد عادي

شمس وهي تنهض : طيب تصبح على خير بقى هموت وأنام والجو برد هنا ونيلو شكلها طرقتنا

لؤي بضحك : وأنتِ بخير .. استني هنزل معاكي

هبط الاثنان للأسفل وتوجه كلٌ إلى غرفته

______________________

في اليوم التالي في الصباح وأثناء تناولهم الافطار دلفت فتاة أقل ما يقال عليها ملكة جمال تملك نظرة بريئة تعجلك تصظم عندما تعلم هويتها عيناها رماديه كيوم بداية كل شيء في حياتها وشعرها بلون الذهب كقلبها

لوليا بابتسامة : أتمنى مكونش اتأخرت

فاريهان بابتسامة أكبر : لا يا قمر في مواعيدك المظبوطة دايمًا .. يلا تعالي أعرفك على العيلة

قامت بتعرفيها على الجميع وبعد أن انتهت نهض أيهم وجلس بجوارها

أيهم بهيام : هو القمر كام سنة

لوليا بضحك : 27 سنة

أيهم بصدمة : أحيه قولي والله

لوليا بضحك : والله مالك مستغرب أوي كدا ليه

أيهم وهو مازال منصدمًا : أصلك مش باين عليكي خالص مالص أنتِ بكتيرك 18 سنة

لوليا بضحكة صدمة : لا مش للدرجة

لؤي : الصراحة أنا أول مرة أتفق مع الصايع دا في حاجة بس هو معاه حق أنا فكرتك 16 17 سنة كدا يعني

لوليا بصدمة : صغرتني عشر سنين انتوا اللي بتهزروا مش للدرجة والله

فاريهان بضحك : لا معاهم حق للدرجة المهم سيبك من الهبل دول وقوليلي فين إيان

كادت تجيبها ولكن قاطعها دلوف إيان بطلته الطاغية

إيان بابتسامة خفيفة : أنا هنا يا قمر

فاريهان بسخرية : بكاش درجة أولى يعني

إيان وهو يضحك ويجلس بجانب لوليا : تؤتؤ لا عيب في حقي .. أنا كدا؟!

لوليا بضحك : وأبو كدا يا روحي

قامت فاريهان بتعريف إيان لهم وبعد ذلك توجه كلٌ إلى عمله

___________________

في إحدى السيارات بمنطقة منقطعة

حازم بتعب : أنا تعبت حرفيًا مش عارف أعمل إيه معاه

مجهول 3 بحنان : اهدى واسمعني كويس ونفذ اللي هقولك عليه وأنا هريحك خالص

حازم : أنتِ عارفة إن راحتي معاكِ

مجهول 3 بحزن : حازم لو سمحت

حازم بيأس : خلاص خلاص .. قولي الخطة بقى

مجهول 3 : ......

____________________

في الشركة

كانت جوري تتحدث في الهاتف أثناء دلوف فاريهان للمكتب فأشارت لها بالجلوس وتابعت حديثيها وبعد أن انتهت عادت لمقعدها

جوري بعملية : أيوة يا فاري

فاريهان بجدية وهي تعطيها أوراق صفقة : وصلني نسخة بالعقد الجديد اللي مع شركة البحيري اللي في استراليا وبلغني إنه خلال اسبوعين هيبقى هنا في مصر علشان نوقع العقود

جوري بعيون متسعة على أخرها بصدمة : إيه شركة مين؟!

فاريهان بتكشيرة استغراب : شركة البحيري! اللي صاحبها مهند البحيري أظن لينا تعاملات معاه من زمان أوي

جوري بتوتر : أه أه .. طيب ماشي

فاريهان بشك : أمم أسيبك أنا بقى علشان تراجعي العقود براحتك وعلشان كمان ورايا أنا اجتماع يلا سلام

رحلت فاريهان وتركت جوري هائمة تفكر في حل لمشكلتها القادمة

جوري بهمس : 12 سنة 12 سنة يا مهند مجيتش فيهم مصر ولو مرة ودلوقتي قررت تيجي ليه مطلبتنيش أنا أروح زي العشر سنين اللي فاتوا؟! ليه جاي أنت بنفسك؟! أووف ياربي حلها من عندك أنت يارب

________________

في اليوم التالي في الصباح رحل الجميع لعمله ولم يتبقى سوى الأطفال وحدهم وأثناء انشغالهم بأمورهم الشتى استمعوا لإطلاق نيران كثيف بالخارج فصرخ الصغار بفزع

نيلوفر بصراخ : كلو ورايا يلا بسرعة ... أيهم يلا شيل سندس (شقيقة أيهم الصغرى عمرها 4 أعوام، ابنة أحمد وسلمى) .. زياد .. لينا يلا. كلكم ورايا فارس (ابن كريم ويارا عمره 9 أعوام) أنت كمان يلا ورايا بسرعة

وأخذتهم للمكتبة الكبيرة بالدور الأرضي واتجهت لجزئية وقامت بابعاد الكتب وأزالت الخشبة التي خلفهم فظهرت لوحة مفاتيح صغيرة فكتبت الرقم السري بسرعة فانفتحت المرأ التي تتوسط الحائط وكأنها باب

نيلوفر : يلا بسرعة ادخلوا جوا .. أيهم خلي بالك منهم ومتخافوش الأوضة دي عازلة للصوت محدش هيسمعكم لو حد دخل هنا أنا لازم أقفل الباب علشان هروح أجيب شمس من فوق و...

زياد مقاطعًا لها بخوف : نيلو .. لؤي؟!

نيلوفر بابتسامة مطمئنة : متقلقش ولؤي كمان هجيبه خليكم انتوا هنا

أغلقت عليهم الباب وأعادت لوح الخشب والكتب محلها وصعدت للأعلى بسرعة قبل أن يدلفوا للبيت وأثناء صعودها طلبت فاريهان

فاريهان : أيوة يا نيلو؟!

نيلوفر بتوتر : ماما فيه هجوم على القصر أنتِ لازم تيجي بسرعة علشان مراد مش موجود ومعرفش هعرف أسيطر على الوضع لوحدي ولا إيه

فاريهان بخوف وهي تنهض من على مقعدها : والعيال؟

نيلوفر : متقلقيش كلهم خبيتهم في الأوضة السرية اللي في المكتبة مغيش غير شمس ولؤي فوق في أوضهم هطلع أجيبهم وأحاول أنزل بسرعة .. يلا سلام علشان ألحق

أغلقت معها ودلفت لغرفة لؤي ولكن لم تجده

نيلوفر بصوت مرتفع قليلًا : لؤي؟ أنت فين؟! لؤي رد عليا لو مستخبي اطلع أنا نيلوفر يلا بسرعة قبل ما المجرمين اللي برا يدخلوا القصر خرجت لؤي من خلف الأريكة فابتسمت له فاتجه نحوها بسرعة

لؤي بتوتر : نيلو هو ايه اللي بيحصل برا أنا كنت نايم فوقت على صوت الرصاص ومعرفتش أعمل ايه فاستخبيت هنا

نيلوفر وهي تجذبه خلفها وتخرج : مش وقته كلام يلا بسرعة نجيب شمس علشان ننزل تحت

___________________

عند فاريهان بمجرد أن أغلقت مع نيلوفر هبطت للأسفل واتصلت بلوليا فالشركة تبعد نصف ساعة عن القصر ودعت أن تكون لوليا مازلت بالمنزل

لوليا وهي تصعد دراجتها النارية : أيوة يا قمر

فاريهان بسرعة : لوليا أنتِ فين دلوقتي

لوليا باستغراب : أنا بركب الموتسكل بتاعي في البيت وهروح الشغل .. خير في حاجة

فاريهان : أه قصر جوري بيتعرص للهجوم ومفيش غير الأطفال هناك أنا في الطريق جاية بس قدامي نص ساعة على ماوصل البيت جنبكم خمس دقايق المسافة بينكم ينفع...

لوليا مقاطعة لها : متقلقيش هلحقهم كلهم باذن الله سلام علشان ألحق

أغلقت معها وقادت درجاتها بأقصى سرعة كي تصل لهم

___________________

في قصر الأمير

دلفت نيلوفر ولؤي لغرفة شمس وجدوها تنكمش على نفسها في إحدى الأركان وتبكي بشدة

نيلوفر بطمئنة وهي تحتضنها : شش اهدي يا شمسي متقلقيش إحنا هنا معاكي يلا بينا بسرعة

بقلمي : أميرة الظلام (مروه كمال محمد)