شمس الخلود

الفصل 14

ايزل بسعادة وصوت مرتفع قليلًا : برافووووو

ضحكوة جميعًا معًا

نيلوفر بحماس : ها يا جماعة هنغني ايه تاني؟!

إيزل بتفكير : اختاري أنتِ المرادي أنا مش عارفة

نيلوفر بتفكير : أمم حافظة أغاني انجليزي؟!

إيزل : أه كام أغنية بس وأغلبهم من أفلام باربي

لؤي : لا أنا براها مش هغني أغاني بنات غنوا وأنا أعزفلكم على الجيتار بتاعي

إيزل بضحك : تمام هنغني two voices, one song

نيلوفر : تمام يلا

أخرج لؤي جيتاره من حقيبته وبدأ في العزف وبدؤا هم في الغناء

إيزل : it's so rare to find a friend like you

نيلوفر : somehow when you're around the sky is always

إيزل : the way we talk the things you say the you make it all okay

نيلوفر : and how you know all of my jokes but you laugh anyway

إيزل ونيلوفر : if i could wish for one thing i take the smile that you bring wherever you go in this world i'll come along together we dream the same dream forever i'm here for you you're here for me oh ooh oh two voices, on song

إيزل : now every day is something new

نيلوفر : and any path we take i'm looking forward to the way we try and never quit. The way that all the pieces fit the way we know the pats by heart, and sing out loud

نيلوفر وإيزل : if i could wish for one thing i take the smile that you bring wherever you go in this world i'll come along

تابعوا غناءهم بسعادة تحت نظران فاريهان المليئة بدموع الفرحة فإيزل هي إيزل سر تخليد ضحكتهم هذه

___________________

في قصر الأمير مر اليوم بملل فوجود الأطفال يضيف مرح ولذة للمكان

وفي اليوم التالي ارتدت جوري بنطال أ**د وبدي كت أ**د وبلزر أزرق وارتدت نظارتها الشمسية وتركت شعرها حرًا خلفها وذهبت للشركة وأثناء وجودها بمكتبها منشغلة طرق أدهم الباب ودلف بعد أن سمحت له

أدهم باحترام : مهند البحيري برا وحابب يدخل

نهضت جوري بخوف واتجهت نحو الباب

جوري بتوتر : دخله على طول

دلف مهند بابتسامة بعد أن استمع لجملتها وخرج أدهم وأغلق الباب

أما مهند فاتجه نحوها وقام باحتضانها بقزة وهو يستنشق شعرها بادمان

مهند بعشق : وحشتيني أوي مش عارف ازاي قاومت ومرضيتش أجيلك امبارح بالليل لما وصلت

جوري وهي تبتعد عنه بابتسامة توتر : احم ازيك يا مهند أنا أسفة نسيت خالص موعدنا اللي النهارده

مهند باستغراب : مش مشكلة يا قمر يلا نبدأ شغل علشان أعزمك على الغداء بعدها لأني واقع من الجوع

جوري بتوتر : احم أه طبعا اتفضل اقعد يلا

مهند وهو يشير نحو الخارج : السكرتيرة بتاعتي برا معايا

جوري : يالهوي مش تدخلها معاك مش عيب تسيبها لوحدها برا

مهند بابتسامة : قولت علشان أسلم عليكي براحتي وبعدها أقولها تدخل

ابتسمت بقلق واتجهت نحو الباب تفتحه وطلبت من الفتاة الجميلة التي تجلس مع أدهم بمكتبه أن تدلف وفي نفس الوقت كان إياد قادم وهو يحمل الكثير من الملفات والأوراق ودلف هو الآخر

مهند بتساؤل : مين الأستاذ؟!

جوري بابتسامة تزيدها جمالا فوق جمالها : البشمهندس إياد صاحب شركة فيوتشر هوم وهو الطرف التالت في الصفقة دي

أومأ مهند ببرود وقام إياد بإلقاء الملفات بأكملها على طاولة الاجتماعات وجلس بتعب

إياد وهو يمد يده نحو مهند وهو يتثائب : أهلًا أنا إياد وأعتقد حضرتك مهند البحيري صح؟!

مهند بجدية : أيوة اتشرفت بحضرتك

إياد وهو يكاد ينام : أنا أشرف

ض*بته جوري على رأسه وهي تضحك فنظر لها بغيظ

إياد بضيق : إيههه

جوري بضحك : اسمها أنا أكتر مش أشرف يابن الهبلة

إياد ببلاهة : قولي والله إني قولت أشرف

جوري بضحك : والله

إياد بحرج : احم أسف يا فندم مخدتش بالي بقول إيه

مهند بابتسامة على ضحك جوري : لا مفيش مشكلة .. عادي حصل خير يلا نبدأ

جوري بجدية : لحظة يا مهند (ونظرت لإياد ووضعت يدها على كتفه) حبيبي لو تعبان تقدر ترتاح وبالليل هقولك اللي حصل في الاجتماع

إياد بابتسامة : لا مش تعبان يا ست الكل بس محتاج كوباية قهوة ضروري إيزل الليل كلو فضلت ترغي في ودني لحد الصبح ما طلع وهي كانت بالليل بقى فاتخمدت الحمد لله

جوري بضحك : معلش بقى هي بتحبك علشان كدا حبت تحكيلك اللي شافته وتشاركك فرحتها

إياد بحب : وأنا بعشقها ودا شيء يسعدني بس ممكن تطلبيلي قهوة بقى علشان أفوق شوية

جوري بابتسامة : حاضر ثواني (ونظرت لمهند والسكرترية الخاصة به) مهند والأنسة القمر تشربوا إيه

مهند : اسبريسو

السكرتيرة سوزي : قهوة سادة واسمي سوزي

جوري : تمام ثواني

خرجت من غرفة الاجتماعات الصغيرة الملحقة بمكتبها ورفعت سماعة هاتف المكتب وطلبت المشروبات وانتظروها حتى وصلت وشربوها وبدؤا بعدها اجتماعهم

مر الاجتماع بنجاح وحان موعد الغداء

جوري : إياد يلا

إياد وهو يعمل على الملفات الكثيرة التي أحضرها معه : لا لا سيبك من إياد روحوا إنتوا أنا هطلب أي حاجة هنا أو هاتيلي معاكي أكل على زوقك لما ترجعي

جوري باستسلام : طيب لو تعبت ارتاح شوية على الكنبة جوا تمام

أومأ ب**ت وهو يتابع عمله وخرجت هي ومهند وسوزي للخارج

سوزي بعملية : عن إذنك يا فندم هروح بيت عمي علشان أنت عارف إني لسه واصلة من استراليا ومحتاجة أرتاح شوية

مهند : تمام اتفضلي

خرجوا جميعًا خارج الشركة وتوجهت سوزي في طريقها وبقيت جوري ومهند

جوري بتردد : هنروح بعربية ولا إيه

مهند وهو يشير للسائق بأن يحضر سيارته : أه هنروح بعربيتي

جوري : طيب تحب تتغدا في مكان معين

مهند بتفكير ثم ابتسم : عندك في البيت الصراحة الولا كيمو واحشني وعايز أشوفه هو صحيح اتجوز ولا لسه عانس

جوري بضحك : لا لا إتجوز متقلقش وعنده تيم وسالي كمان

مهند بتفكير : طيب وأنتِ؟!

جوري بتوتر : أنا إيه؟!

مهند : اتجوزتي؟!

جوري بتوتر مغيرة الموضوع : العربية وصلت يلا بينا الأول وبعدين أحكيلك على كل حياتي يلا بينا

أنهت جملتها وصعدت للسيارة بعد أن فتحها لها حارس الشركة وثعد هو خلفها وأمر السائق بالتوجه نحو قصر الأمير

وبمجرد أن وصلوا هبطوا من السيارة وتوجهوا للداخل في **ت وقلق من جوري برد فعله إذا كان آدم بالداخل

دلفوا ومن سوء حظها كان الجميع متواجد في البهو

كريم بصدمة : مهند

مهند بضحك : مش ممكن كريم باشا بنفسه

كريم وهو يحتضنه : شوفت بقى احلويت مش كدا

مهند بسخرية : أيوا واضح بكرشك دا

كريم بصدمة وهو يضع يده على بطنه المسطحه بفزع : فين فين

ضحك مهند وجوري عليه بشدة ونظر هو لهم بتذمر

يارا بابتسامة : مش هتعرفونا على الواد الحليوة دا ولا إيه

كريم بحاجب مرفوع : حليوة ها

يارا ببراءة : أيوة .. أكدب يعني ولا أكدب مثلًا

كريم بجدية مصتنعة : لا طبعا ودي تيجي بردو

جوري بابتسامة متوترة : مهند البحيري يبقى صديق العيلة من زمان والكل هنا يعرفوا طبعا ماعدا الزوجات أو الأزواج الجداد

يارا وهي تغمز له بمرح : إلا قولي يا قمر أنت ازاي مش شوفناك قبل كدا طالما أنت صديق العيلة

كريم وهو يمسكها من ياقتها : بت اتلمي وربنا هعلقك

يارا بضحك : اهدى يا بوص ووسع كدا علشان الهيبة

مهند بابتسامة : علشان يا باشا أنا مش عايش هنا أنا استرالي الجنسية اتولدت واتربيت وعشت كل حياتي هناك والدي مصري ووالدتي استرالية

قامت جوري بتعريفه على الجميع وعندما جاء الدور الأخير على آدم تصنمت محلها ولم تعرف ماذا تقول فقام كريم بهزها برفق ففاقت من دوامة تفكيرها وتحدثت

جوري : احم المقدم آدم زوجي

مهند : ......

بقلمي : أميرة الظلام (مروه كمال محمد)