Sleep with me
“HAY, ito ang bagay na hindi ko magugustuhan sa Isabela. Bigla-bigla ang buhos ng ulan. Kanina okay na ang panahon tapos ngayon ganito na naman,” ani Jillian habang sabay-sabay naming pinagmamasdan ang malakas na buhos ng ulan sa labas ng mall.
“Ayaw nyo ba talagang sumabay na lang sa amin?” pag-aaya ko sa kanilang dalawa.
Wala pa lang dalang kotse si Thomas at nag-commute lang sila papunta rito. Pero ayos na rin sigurong wala siyang imamaneho dahil kung pagbabasehan ko ang pamumula ng mukha niya. Mukhang tinamaan siya ng alak. Hindi siya nakuntento sa dalawang bote ng beer at nagsunod-sunod ang pag-inom niya.
“Kaya na naman ang sarili namin, Cons. Sige na, sumama ka na sa boyfriend mo! G-goodnight!” Halos mabulol-bulol na saad ni Thomas at tinalikuran na kami.
“Hoy T
