Mrs. Gallego
PAGKATAPOS ng salu-salo sa isang restaurant na inokupa at binayaran ni Alas ay kasalukuyan na kaming nasa kotse niya at bumibiyahe na pabalik ng bahay. Ni hindi ko magawang lubusang maging masaya ngayong isa na akong ganap na asawa ni Alas, dahil magpahanggang-ngayon ay hindi pa rin kami kinikibo ni Lolo.
Napabuntonghininga ako at sinulyapan si Alas na tiyak kong naiilang din sa pananahimik nila Nanay sa likod. Ang pinsan niyang si Jude ay bumiyahe kaagad pabalik ng Maynila dahil may mahalaga raw itong lakad bukas.
Nang maiparada na ni Alas ang kotse niya sa tapat ng bahay namin ay dali-dali akong bumaba at pinagbuksan ng pinto sila Nanay. Medyo may kataasan ang kotse ni Alas kaya inalalayan ko si Nanay. Kinakabahang inilahad ko ang palad ko kay lolo, inasahan kong katul
