By Michael Juha
getmybox@hotmail.com
fb: Michael Juha Full
---------------------------
“Ba’t ka basta-basta na lang pumasok nang hindi man lang kumakatok?!” ang bulyaw ko kaagad, inunahan ko na nagbakasakaling madala ko siya sa takot.
Ngunit kalmante lang si Shane. Marahil ay kinimkim lang ang galit niya o sadyang ganyan lang talaga ang mga puti, liberal-minded, hindi seloso. “A… magkuya nga talaga kayo no?” ang sagot niya, hindi makikita sa kanyang mukha na may galit siyang kinimkim. Noong nasa gilid na siya ng kama ni Kuya Rom, pahapyaw niya akong itinulak at hinarangan upang hindi na ako makalapit pa kay Kuya Rom. Naupo na lang ako sa isang gilid, ang mukha ay di-maipinta sa sobrang pagka-inis habang pinagmasdan silang dalawa.
“Musta na ang honey ko…?” sabay sampa niya sa kama at
