By Michael Juha
getmybox@hotmail.com
fb: Michael Juha Full
------------------------------
Lumabas si Kuya Rom sa kuwarto ko na hindi na man lang ako kiniss. Marahil ay masakit din iyon sa kalooban niya ngunit tinatagan lang niya ang loob at pinanindigan ang nasa isip na turuan akong masanay sa ganoong pakikitungo. Buong magdamag na hindi ako nakatulog. Nasanay na kasi akong nasa tabi ko si Kuya Rom at kayakap, ka-wentuhan, kaharutan. Alam ko, masakit din ang loob niya sa mga nangyari. Ngunit ewan... Marahil ay talagang matatag lang siya.
Kinabukasan, sabay-sabay kaming lahat na nag-almusal. Magkaharap kami ni Kuya Rom ngunit wala kaming kibuan. Para kaming hindi magkakakilala. Pansin ko sa mga mata niya na hindi rin ito nakatulog nang maayos.
Nasa kalagitnaan kami ng almusal noong b
