PROLOGUE
HIGHEST RANKING REACHED ON w*****d: Fantasy Category Top 1 (2014-2015)
Wattpad Reads (As of 2021): 6 MILLION READS
NOTE: Hindi po ito inedit o nirevise nang todo kaya kung paano ko siya isinulat noong highschool student pa lang ako at first time magsulat sa w*****d ay ganoon pa rin siya hanggang ngayon dito sa Dreame (kasi wala na ako timeeee mag-edit).
At ang story po na ito ay pinili ni Dreame na ilagay sa PAY-TO-READ program o VIP story, meaning po noon ay may bayad na siya (na mapupunta sa author) per chapter bago mababasa. Yun lang po salamaaaat!!!
TEASER
"Pero bakit po sakin... ganoon din?"
Kumibit balikat ito. "Bakit naman hindi? Ikaw naman ang prinsesa."
Ilang segundong hindi pa ako nakaimik. Teka, tama ba ako ng rinig o sadyang nagkakamali lang ang diwatang kausap ko?
"Ikaw ang anak ni Queen Leila at King Leo ng Magic Paradise. Ikaw ang nawawalang prinsesa, ikaw si Infinity Princess na may maraming uri ng magic sa mga kamay," minwestra pa nito ang mga kamay sa ere na parang namamangha sa kinukwento.
"Kaya mong lumikha ng kahit ano mula sa wala."
"Teka po, mali po yata kayo. Normal na tao lang po ako na galing sa mortal world."
Tumawa ito. "Ikaw yon, Erris. Umpisahan mo ng maniwala simula ngayon na ikaw ang prinsesa. At bakit naman ako magkakamali? Alam ko lahat ng sikreto sa Magic Paradise. Alam ko lahat ng nangyari sa past at mangyayari sa future. Hinding hindi magkakamali." kumindat pa ito habang suot ang ngiti.
Biglang dumilim ang paligid, naalarma ako kaya mula sa pagkakaupo kanina ay sinubukan kong tumayo pero pakiramdam ko nakalutang nalang ako sa ere ngayon na puro lang dilim.
“Kaya mong lumikha ng kahit ano mula sa wala, Erris Lily. At ang tanging mahika ng kalaban mo sa mundong ito ay pagsira.”
Nagpalinga-linga ako sa paligid. Boses nalang niya ang naririnig ko. Nag-umpisa akong matakot.
“Lahat ng bagay na mangyayari ay may dahilan, maraming gagawa sayo ng mali,” palayo ng palayo ang boses ng kausap ko, pakiramdam ko nahuhulog na rin ako sa bangin... “una mo sanang matutunan ay magpatawad.”
Biglang napunta ako sa lugar na iba ulit mula sa kinaroroonan ko kanina. May kaharap akong lalaki na hindi ko kilala.
“Erris... sorry. Hindi ko ginustong maging ganito tayo...”
Umiyak siya sa harapan ko, nagtaka ako dahil hindi ko siya kilala pero... bumigat bigla ang pakiramdam sa puso ko.
Pakiramdam ko malapit na tao siya sakin at mahalaga.
Pakiramdam ko sinaktan niya ako sa sobrang bigat ng pakiramdam ko.
Sino siya?