❀⊱Natalie's POV⊰❀
Ilang araw ko ng napapansin na may kakaiba kay Aaron. Mula ng magkita kami, lagi lang siyang tumatawa at ang saya-saya lang niya. Ngayon ay parang nararamdaman ko na parang may mali, may itinatago ba siya sa akin? Kahapon sa mansyon ng kanyang mga magulang, hindi ko 'yon nauunawaan at ayaw naman niyang magsabi sa akin ng kahit na ano.
Katok sa pintuan ng opisina ko ang narinig ko kasabay ng tinig ni Aaron, "knock, knock..." ani niya. "Who's there?" sagot ko naman kaya natawa siya at pumasok sa loob ng opisina ko. Napakunot ang noo ko, kasi kararating lang niya at ngayon lang siya dumating ng ganito ka-late.
"Bakit ngayon ka lang? Late ka yata ng pagpasok mo?" wika ko at tinitigan ko ang mukha niya. "May importante lang akong ginawa, na-miss mo agad ako?" ani niya, nata
