❀⊱Natalie's POV⊰❀
Gusto kong matuwa sa mga narinig ko mula kay Aaron, gusto kong paniwalain ang sarili ko na unti-unti na akong naaalala ng kanyang puso, pero ayoko munang umasa dahil alam ko naman na si Lianna pa rin ang tanging naaalala niya.
Gagawin ko na lamang ang lahat upang maibalik kami ni Nathan sa kanyang puso at sa kanyang isipan, iyon lang ang kaya kong gawin dahil iyon ang karapatan namin ng anak ko. Alam ko na pinagseselos ni Carter ang kanyang matalik na kaibigan upang maipakita kay Aaron na kahit wala ito, may taong sasalo sa akin. Pero ginagawa lamang niya 'yon para sa kanyang kaibigan upang hindi ito magsisi sa huli at ipinagpapasalamat ko 'yon dahil nakikita ko na naaapektuhan si Aaron sa mga nangyayari. Ako naman ay lalong nasasaktan sa tuwing binabale-wala ako ng a
