┈┈┈┈◦•✩•◦┈┈┈┈
Naging maayos naman ang pagsasama nila Natalie at Aaron. Lumipas pa ang mga linggo na hindi na nga binabanggit ni Aaron ang tungkol kay Lianna pero alam ni Natalie kung ano ang totoo. Alam din ni Natalie na hindi pa rin ito nawawala sa isipan at puso ng kanyang asawa dahil madalas niya itong mahuli. Nag-aalala pa rin siya na baka isang araw ay gumawa ito ng paraan upang magtagpo silang dalawa. Iyon ang hindi niya kakayanin lalo pa at madalas niya itong mahuli sa library na umiiyak at tinatawag ang pangalan ni Lianna. Iyon ang dumudurog sa kanyang puso dahil ilang beses niyang narinig ang kanyang asawa na tinatawag ang pangalan ni Lianna. Nahihirapan si Natalie na makita sa ganuong sitwasyon si Aaron. Alam niya na hanggang ngayon ay hindi siya naaalala ni Aaron at tanging mga
