Yarra
Sa araw na iyon nagsimula ang kwento namin ni Dominic. Tinulungan ko siya at nabuo ang nararamdaman ko sa kanya na hindi naman dapat. Naghangad ako na mapapalitan ko ang babaeng nasa puso niya.
Napabalik ako sa presensya ko nang bumaling din sa akin si Dominic at tumitig din sa akin.
Ang mga malamig niyang titig sa akin ay katulad parin ng dati pero ngayon wala na itong epekto sa akin.
Tsaka lang parehong nagbitiw ang mga mata namin ng may tumawag sa kanya.
Sakto naman na lapitan ako ng mga pulis.
Mabilis ko naman silang hinarap at sumunod sa desk ng mga pulis. Kaagad kong ikinuwento ang nangyari, buong detalye at tuloy-tuloy kong sinabi.
Dahil kahit walang epekto nasa akin si Dominic, naaalala ko ang lahat lalo na ang nagawa kong kasalanan.
Nang matapos kong magkwento, nagpa
