Risa
Bumalik na ako sa salas at binaba ko na ang bag ko sa sofa tapos naglakad na ako papunta sa kitchen namin.
Saglit akong napatigil dahil nakita ko na nakahain na ang dinner namin sa lamesa.
Ito ang pumipigil sa akin na pakawalan siya. Hindi ko na mararanasan ito kung hahayaan ko na siya.
Napahawak ako sa damit ko at pinagalitan ko ang sarili sa loob-loob ko dahil nakakaramdam ako ng kakaibang haplos sa puso ko.
Umupo na ako sa harapan ng lamesa at pumunta naman si Sean sa kabila.
Kumuha na ako ng pagkain at hindi ko na siya tinignan. Tinuon ko ang atensyon ko sa pagkaing nasa plato ko.
Napapatigil ako sa pagsubo dahil nararamdaman kong tumitingin siya sa akin.
Ilang ulit ko namang pinapaalahanan ang sarili ko na huwag makaramdam ng kahit na ano.
Hindi ito ang tamang panahon pa
