Late siya ng limang minuto pagdating sa unang subject niya pero mas late ang professor nila kaya naman nakahinga siya ng maluwag.
Naupo siya sa bandang likuran. Doon kasi may mga bakanteng silya. Wala pa ata silang bente sa loob ng classroom. Iginala niya ang paningin at napansin niyang may kanya-kanyang grupo ang mga kaklase niya. Mukhang same block ang mga ito last year. At dahil transferee siya, siya lang ang walang kausap. Bigla niya tuloy na-miss si Tere.
"Hi, may nakaupo ba rito?" tanong ng isang baritonong tinig.
Napatingala siya mula sa pagkakayuko. Napaawang ang labi niya sa lalaking nakangiti sa kanya. Napakurap-kurap naman siya. Namamangha siya sa kulay asul na mga mata nito
Mukhang amerikano pero tagalog naman siya kinakausap.
"Meron ba?" ulit nito sa tanong. Saka naman si
