Nangangatog sa takot si Amelie. Panaginip lang ang lahat pero parang totoong nangyari ang lahat.
Natatakot siyang bumalik sa pagtulog. Natatakot siyang muling managinip. Napasubsob siya sa kanyang tuhod at doon umiyak nang umiyak.
Kung na sa bahay lang siya ng Daddy niya puwede niya itong puntahan at tumabi rito.
Pero wala siya sa bahay ng Daddy niya. Wala siyang pupuntahan at mapapakiusapang samahan siya.
Gusto niya sanang makiusap kay Tristan pero sa nakikita niya rito kanina ay napigil siya. Mukhang pagod na rin ito at nais magpahinga.
Naabala niya na ito ng magkasakit siya. Ayaw niya namang mapuyat na naman ito ng dahil sa kanya. Kaya nang magpaalam itong papasok na sa kuwarto nito kahit nais niya pang makasama ito hindi niya na naisatinig ang nais pagpigil sa lalaki.
Nang pumas
