MASAKIT ang katawan ni Amelie lalo na ang gitnang parte ng katawan niya pero mas masakit ang nararamdaman niya ngayon.
Nang pikutin niya si Tristan inihanda niya na ang sarili na hindi magiging maganda ang pakikitungo sa kanya ni Tristan pero hindi niya na handa ang puso niya sa sakit at pagkapahiya na naranasan niya rito kanina.
Ngayon niya lang naramdaman na napakadumi at napakababa niya. Para siyang basahan na pagkatapos nitong gamitin basta na lang iniwan sa isang tabi.
Paika-ika siyang nagtungo sa banyo at pumuwesto sa ilalim ng shower. Tumingala siya sa shower at hinayaang dalhin ng tubig ang mga luha niya.
Hinayaan niya ang sarili na iiyak ang nararamdaman niyang sakit umaasa na kahit papaano gumaan ang pakiramdam niya. Niyakap niya ang sarili habang bumubuhos ang tubig sa kanya
