NAUNA siyang nagising kay Tristan. Nakita niya ang lalaki na natutulog sa sofa at ang laptop nito at nakapatong sa center table.
Hindi na siya nilalagnat kahit medyo nanghihina pa siya. Tumayo na siya at nagpunta sa banyo para maghilamos at magsipilyo.
Alas-otso na ng umaga at kumakalam na ang sikmura niya. Nagdesisyon siyang mag-order na ng pagkain nilang dalawa.
Pagkatapos umorder lumapit siya sa sofa kung saan nakahiga si Tristan. Naupo siya sa kaharap nitong center table at malayang pinagmasdan ang asawa.
Bahagyang nakaawang ang mapupulang labi nito. Mahahaba at malalantik ang pilik mata nito, maganda rin ang korte ng makapal nitong kilay na bumagay sa mga mata nito.
Iyon nga ata ang asset ni Tristan. Napangiti siya at hindi niya na napigil ang sarili na haplusin ang mukha nito. M
